झापा । झापाको मेचीनगर नगरपालिका-६ स्थित पुर्वपश्चिम लोकमार्गमा स्कार्पियो गाडीको ठक्करबाट पैदल यात्रीको मृत्यु भएको छ । पुस २० गते अपरान्ह साढे ५ बजे WB74BN6885 नम्बरको स्कार्पियोले बाटो काट्दै गरेकी स्थानिय ५८ बर्षीया माला थापालाई ठक्कर दिदा घाईते भएकी उनको उपचारको क्रममा बिर्तासिटी अस्पताल बिर्तामोडमा मृत्यु भएको थियो । दुर्घटनामा संलग्न गाडी र चालक भारत पानीट्याङ्कीका २१ बर्षीय बिकाश बिष्टलाई प्रहरीले नियन्त्रणमा लिई थप अनुसन्धान गरीरहेको छ ।