झापा र सुनसरीबाट लागुऔषध सहित ७ जनालाई प्रहरीले पक्राउ गरेको छ । पुस २० गते दिउँसो झापाको कमल गाउँपालिका-४ स्थितमा इलाका प्रहरी कार्यालय दमकबाट खटिएको प्रहरी टोलीले १ ग्राम ब्राउन सुगर सहित स्थानीय ३९ बर्षीय धनराज लिम्बु, २६ बर्षीय रोहीत नेम्बाङ, २३ बर्षीय राजेश नेम्बाङ र शिवसताक्षी नगरपालिका-१ का ३३ बर्षीय सुरेश निरौलालाई नियन्त्रणमा लिएको छ भने प्रहरी चौकी चारआलीले मेचीनगर नगरपालिका-११ का २३ बर्षीय ईशाक राई र मेचीनगर-१३ का ३० बर्षीय सुनिल नगरकोटी मगरलाई ब्राउन सुगर १ ग्राम ४७० मिलिग्राम सहित नियन्त्रणमा लिएको छ । त्यसैगरी सुनसरीको धरान उप-महानगरपालिका-११ का २८ बर्षीय बिनोद आचार्यलाई ट्रामाडोल र स्पासमो गरी जम्मा १ हजार ३०४ ट्याव्लेट सहित अस्थायी प्रहरी बिट जोरसखुवाले नियन्त्रणमा लिएको छ । लागुऔषध सहित पक्राउ परेका उनिहरुको थप अनुसन्धान भईरहेको छ ।
