इनरुवा ।सुनसरीको इटहरीमा विहानै बम आतंक तथा शंकास्पद वस्तु फेला परेको छ । सुनसरी प्रहरीकाअनुसार इटहरी र धरानसहित तीन ठाउँमा बमजस्तो देखिने शंकास्पद वस्तु फेला परेको हो । 
सुनसरी प्रहरी प्रमुख, एसपी सुमन तिम्सिनाका अनुसार इटहरी उपमहानगरपालिका कार्यालयको गेट नजिकै, सुनसरी र मोरङको सिमानामा पर्ने बूढी खोलाको पुल नजिकै र धरानको भोटे पुल नजिकै शंकास्पद बस्तु फेला परेको प्रहरीलाई सूचना आएको थियो ।
नेपाली सेनाको डिस्पोजल टोलीले डिस्पोज गर्ने तयारी गरेको छ ।
बम फेला परेकोबारे प्रहरीलाई मोबाइलमा म्यासेज आएपछि उक्त स्थानमा विशेष सावधानी अपनाएको हुन ।घटनाको बारेमा चोतर्फी अनुसन्धान भइरहेकोे प्रहरीले जनाएको छ ।
