विराटनगर । झापाको मेचिनगर नगरपालिका ९ गैरी गाँउ स्थितबाट लागुऔषध ब्राउन सुगर सहित एक जनालाई पक्राउ गरिएको छ । पक्राउ पर्नेमा सोही स्थान बस्ने २८ बर्षीय सालु भन्ने अजय राजबंशी रहेका छन् । हिजो बेलुका ६ बजे लागुऔषधको कारोबार भईरहेको सुचनाको आधारमा इलाका प्रहरी कार्यालय धुलाबारीबाट प्रहरी टोली खटि गई राजबंशीले चलाउने साईकलको हेण्डिल भित्र लुकाई छिपाई राखेको लागुऔषध ब्राउन सुगर ५ ग्राम ९० मिलिग्राम बरामद गरेसगै उनको कोठा भित्र मोबाईल ५ थान, नेपाली नगद रु. ५० हजार १५० रुपैया सहित राजबंशीलाई पक्राउ गरिएको हो । पक्राउ परेका राजबंशीको थप अनुसन्धान भईरहेको छ ।