इनरुवा । काेशी ब्यारेजमा खतराकाे संकेत राताे झण्डा फहराइएकाे छ । पानीको बहाव ५ लाख २१ हजार ४ सय ५५ नाघिसकेको छ ।
लगातार केहिदिनको बर्षाको कारण सप्तकोशी नदिमा पानीको बहाव बढेको हो।
कोशी ब्यारेजका सबै ढाेका खाेलिएकाे कोशी ब्यारेजले जनाएको छ । 
ब्यारेजका अनुसार पुलमा अनावश्यकरूपमा भिडभाड तथा आवतजावतमा रोक लगाइएको छ ।
जल संसाधन विभाग पटनाले ब्यारेजमा पानीकाे मापन ७ लाख क्युसेक आसपास पुग्ने अनुमान गरेकाे छ । हाल सम्म सुनसरीकाे तटीय क्षेत्रमा अहिले सम्म कुनै क्षति नपुगेकाे सुनसरी प्रशासनले जनाएकाे छ ।
