इनरुवा । नेपाल राष्ट्रिय शिक्षक संगठन सुनसरीकाे १४ ओं जिल्ला अधिवेशनकाे उद्घाटन सत्र सम्पन्न भएको छ । संगठनका जिल्ला अध्यक्ष चुडामणि खनालकाे अध्यक्षतामा जिल्ला अधिवेशनकाे उद्घाटन सत्र सम्पन्न भएको हो ।
संगठनमा रचनात्मक तथा नवप्रवर्तनात्मक कार्यक्रम गर्नुपर्ने ,शिक्षक र शिक्षाका समसामयिक समस्या र मुद्दाहरुको राष्ट्रियकरण गर्न गर्नुपर्ने , शिक्षा ऐन जारी गर्नुपर्ने , शिक्षकसंग गरिएको सम्झौता कार्यान्वयन गर्नुपर्नेमा अधिवेशनले जाेड दिएको सचिव रामानन्द मण्डलले जानकारी दिनुभयो । अध्यक्ष खनालले आफ्नो प्रतिवेदनमा संगठनले र त्यसको माथिल्लो कमिटीहरुका गतिविधिहरुमा नियमित प्रतिनिधित्व गरि विषयको उठान, पत्राचार तथा सामाजिक सञ्जालको उपयोग गरिने र यसका लागी फेसबुक, म्यासेन्जर ग्रुप, वाट्सयाय, मेल प्रयोग गरिदै बाइएको जानकारी दिनुभयो । उहाँले यसलाई थप व्यवस्थित गरिने, शिक्षकको विस्थापन रोक्न र जिल्ला भित्रको घर पायक सरुवा गर्न ,विज्ञापनका लागी पालिकागत विवरण माग गर्ने भएकाले जिल्ला भित्रवाट कनिष्ट छुट्याउन सकस भएको चुनाैती रहेको उल्लेख गरेको छ। सरुवामा पालिका र विव्यस हावी रहेकाले जिल्ला स्तरवाट सहमति विना शिक्षक साथीहरुको ईच्छा अनुसार सरुवा सहज बनाउन नसकेको , हाल शिक्षक सरुवा कार्यविधि बाधक रहेको। सरुवा कार्यविधिलाई मानविय, व्यवहारिक बनाउन आवश्यक रहेको खनालले बताउनुभयो ।
उहाँको ९ पृष्ठकाे प्रतिवेदनकाे निष्कर्षमा भनिएको छ, “अहिलेको युग सूचना र प्रविधिको युग भएकोले शिक्षक मित्रहरु ऐतिहासिक कुरा, परम्परागत प्रशिक्षण र आर्दशका कुराले मात्रै आकर्षित भइ हाल्ने अवस्था छैन । यसका लागी शिक्षकका समस्या र मुद्दामा सकारात्मक नतिजाको अपेक्षा आम शिक्षक मित्रहरुमा रहेको सन्र्दभमा हामी सचेत र शिक्षकसगै रहने छौ ।
हामी रचनात्मक तथा नवप्रवर्तनात्मक विचारका साथ आम शिक्षक साथीहरुका विचमा आउनेछौ र सो अवसरमा आम शिक्षक साथीहरुको साथ र सहयोगको अपेक्षा राख्दछौ। गतिशिलता, समन्वय, सहकार्य, सम्मान, पारदर्शिता तथा सिर्जनात्मकता हाम्रा गन्तव्य रहने प्रतिबद्धता व्यक्त गर्दछौ ।” खनालले अधिवेशनकाे माैकामा नयाँ वर्ष २०८२ र सिरुवा पर्वको हार्दिक मंगलमय शुभकामना सहित आवश्यक सुझावहरु सहित यो प्रतिवेदन पारितका लागी सम्पूर्ण प्रतिनिधि शिक्षकहरुमा अनुरोध गरेकाेमा प्रतिवेदन पारित भएको छ ।
