सुनसरी – कोशी प्रदेश सभामुख माननीय अम्बर बाहदुर विष्टले स्वदेश तथा विदेशमा रहेका सम्पूर्ण नेपालीलाई फागु पूर्णिमा अर्थात् होलिपर्वको हार्दिक मंगलमय शुभकामना व्यक्त गरेका छन्।
सभामुख विष्टले सामाजिक सञ्जालमार्फत शुभकामना सन्देश दिँदै फागु पूर्णिमालाई हर्ष, उमङ्ग, प्रेम, र सद्भावको पर्वका रूपमा स्मरण गरेका छन्। उनले यस पर्वलाई वसन्तोत्सव र मदनोत्सवका रूपमा समेत चिनिने उल्लेख गर्दै प्राकृतिक पुनर्जागरणको प्रतीकका रूपमा मनाउने परम्परा रहेको बताए।
“फागु पूर्णिमा वसन्त ऋतुको आगमनसँगै हर्षोल्लास र प्रेमको उत्सव हो। यस पर्वले समाजमा आपसी मेलमिलाप, सद्भाव, र भाइचाराको भावना बढाउने विश्वास लिइन्छ,” माननीय सभामुख विष्ट्ले बताउनु भयो। साथै सम्पूर्ण नेपालीलाई रंग, उमङ्ग, र सौहार्दताको यस पवित्र पर्वलाई मर्यादित, सुरक्षित, र सौहार्दपूर्ण वातावरणमा मनाउन आग्रह गरेका छन्।
“फागु पूर्णिमाले सबैमा सुख, शान्ति, समृद्धि, र उज्ज्वल भविष्यको प्रेरणा प्रदान गरोस्। ह्याप्पी होली।
