भोक्राहा । सुनसरीकाे भाेक्राहा नर्सिङ गाउँपालिकामा गत आईतवार आएको हावाहुरी र असिनापानीले विभिन्न बाली तथा खेतिमा भएको क्षतिको कृषि ज्ञान केन्द्र सुनसरीले स्थलगत अनुगमन सुरु गरेको छ ।
हाम्रो पालिका खबर डटकमले समाचार प्रशारण भएको र किसान महासंघले ज्ञापनपत्र बुझाएको भाेलि पल्ट साेमबार कृषि ज्ञान केन्द्र सुनसरीले स्थलगत अनुगमन गरेर विवरण संकलन गरेको छ । फाल्गुन ११ गते आएको हावाहुरी र असिनापानीले खाध्यान र तरकारी बालीमा भएको क्षतिको स्थलगत अनुमान तथा टिपोट संकलन सुरु गरिएको छ ।
आइतबार जिल्ला प्रशासन कार्यालय सुनसरीलाई ज्ञापनपत्र बुझाए भोलिपल्ट कृषि ज्ञान केन्द्र सुनसरीले अनुगमन गरेको कृषि ज्ञानेन्द्र सुनसरी बाली संरक्षण अधिकृत मिरा तिमिल्सिनाले जानकारी दिनुभयो।
अनुगमनमा गहुँ , मकै केरा ,बोडि , बन्धाकोबी,ब्राेकाउली, फुलकोबी काक्रो, सिमि,तिते करेलामा भएको क्षतिको विवरण संकलन गरेको उहाँले बताउनुभयाे । भोक्राहा नरसिंह १ र २ नम्बर वडामा २ सय हेक्टरमा बालि क्षति भएको भोक्राहा नरसिंह कृषि शाखा प्रमुख सकिल अन्सारी जानकारी दिनुभयो। उहांका अनुसार ३ सय ३४ जनाले क्षतिको विवरण टिपाएको बताईएकाे छ ।
