इनरुवा । मंसिर १६ गते हुने आसन्न स्थानीय तह उपनिर्वाचनका लागि शुक्रबार सुनसरीको गढी गाउँपालिका ६ नम्बर वडामा निर्वाचन अधिकृतका कार्यालय स्थापना गरिएको छ । उपनिर्वाचन हुने स्थानीय तह गढी ६ नम्बर वडा कार्यालयमा मुख्य निर्वाचन अधिकृतको कार्यालय स्थापना गरिएको जिल्ला निर्वाचन कार्यालय सुनसरीले जनाएको छ । उपनिर्वाचन हुने गढी गाउँपालिका ६ नम्बर वडामा निर्वाचन अधिकृतका कार्यालय स्थापना गरिएको जिल्ला निर्वाचन कार्यालय सुनसरीका प्रमुख कृष्ण प्रसाद दाहालले जानकारी दिनुभएको छ । आगामी मङ्सिर २ गते उम्मेदवारको मनोनयन दर्ता गर्ने कार्यतालिका रहेको छ ।
मङ्सिर ५ गते उम्मेदवारको अन्तिम नामावली प्रकाशन गर्ने र उम्मेदवारलाई निर्वाचन चिह्न प्रदान गर्ने कार्यक्रम छ । मङ्सिर १६ गते आइतबार बिहान ७ देखि अपराह्न ५ बजेसम्म मतदान हुनेछ ।